Geography: ಭಾರತದ ಪರಿಚಯ ಭಾಗ-(05) ಕನ್ನಡದಲ್ಲಿ ವಿವರಣೆ ಸಹಿತ ಮಾಹಿತಿ ನೀದಲಾಗಿದೆ -2024.

42. ಭಾರತದ ಪ್ರಮುಖ ಎರಡು ಶ್ರೀಮಂತ ಜೀವವೈವಿಧ್ಯ ವಲಯಗಳು.

 1) ಹಿಮಾಲಯ ಮತ್ತು ವಿಂಧ್ಯಾ

 2) ಹಿಮಾಲಯ ಮತ್ತು ಪೂರ್ವಘಟ್ಟಗಳು

 3) ಹಿಮಾಲಯ ಮತ್ತು ಪಶ್ಚಿಮಘಟ್ಟಗಳು

 4) ಹಿಮಾಲಯ ಮತ್ತು ಅರಾವಳಿ ಬೆಟ್ಟಗಳು

 ಉತ್ತರ: (3) ಹಿಮಾಲಯ ಮತ್ತು ಪಶ್ಚಿಮಘಟ್ಟಗಳು

 • ಹಿಮಾಲಯ ಪರ್ವತಗಳು : 2400 ಕಿ.ಮೀ. ಉದ್ದ ಮತ್ತು 240 ರಿಂದ 320 ಕಿ.ಮೀ. ಅಗಲವಾಗಿವೆ, ಸರಾಸರಿ ಎತ್ತರ 6000 ಮೀ., ಒಟ್ಟು 5 ಲಕ್ಷಚ.ಕಿ.ಮೀ. ಪ್ರದೇಶವನ್ನಾವರಿಸಿದೆ. ಇವನ್ನು ಇತ್ತೀಚಿನ ಮಡಿಕೆ ಪರ್ವತ (Young Fold Mountains) ಎನ್ನುವರು. ಇವು ಪಾಮೀರ್ ಗ್ರಂಥಿಯಿಂದ (ಜಮ್ಮು ಮತ್ತು ಕಾಶ್ಮೀರದ ವಾಯುವ್ಯ) ಮಯನ್ಮಾರ್‌ವರೆಗೆ ಹಬ್ಬಿದೆ

ಪಶ್ಚಿಮ ಘಟ್ಟಗಳು

• ತಪತಿ ನದಿ ಕಣಿವೆಯಿಂದ ಕನ್ಯಾಕುಮಾರಿಯವರೆಗೆ 1600 ಕಿ.ಮೀ. ಉದ್ದವಾಗಿ ಹಬ್ಬಿವೆ.

 • ಎತ್ತರವಾದ ಶಿಖರ ಆನೈಮುಡಿ (2695 ಮೀ.)

______________________________________________

43. ಈ ಕೆಳಗಿನ ಯಾವ ಹೇಳಿಕೆಗಳು ಸರಿಯಾಗಿದೆ?

 1) ಮಹಾದೇವ್ ಬೆಟ್ಟಗಳು ಮೈಕಲಾ ಬೆಟ್ಟಗಳ ಪಶ್ಚಿಮದಲ್ಲಿವೆ

 2) ಮಹಾದೇವ್ ಬೆಟ್ಟಗಳು ಕರ್ನಾಟಕ ಪ್ರಸ್ಥ ಭೂಮಿಯ ಭಾಗವಾಗಿದೆ

 3) ಮಹಾದೇವ್ ಬೆಟ್ಟಗಳು ಛೋಟಾನಾಗುರ್ ಪ್ರಸ್ಥಭೂಮಿಯ ಪೂರ್ವದಲ್ಲಿವೆ

 4) ಮಹಾದೇವ್ ಬೆಟ್ಟಗಳು ಅರಾವಳಿ ಶ್ರೇಣಿ ಗಳ ಭಾಗವಾಗಿದೆ

 ಉತ್ತರ: (1) ಮಹಾದೇವ್ ಬೆಟ್ಟಗಳು ಮೈಕಲಾ ಬೆಟ್ಟಗಳ ಪಶ್ಚಿಮದಲ್ಲಿವೆ

 • ಮಹದೇವ್ ಬೆಟ್ಟಗಳು ಮಧ್ಯಪ್ರದೇಶದ ಬೆಟ್ಟಗಳ ಶ್ರೇಣಿಯಾಗಿದೆ.

 • ಇದು ಸಾತ್ಪುರ ಶ್ರೇಣಿಯ ಕೇಂದ್ರ ಭಾಗ ಹಾಗೂ ಮೈಕಲ್ ಬೆಟ್ಟಗಳ ಪಶ್ಚಿಮಕ್ಕೆ ನೆಲೆಗೊಂಡಿವೆ.

_____________________________________________

44. ನಿಯಮಗಿರಿ ಬೆಟ್ಟವು ಯಾವ ರಾಜ್ಯದ ಕಲಹಂಡಿ ಜಿಲ್ಲೆಯಲ್ಲಿದೆ?

 1) ಒರಿಸ್ಸಾ

 2) ಪಶ್ಚಿಮ ಬಂಗಾಳ

 3) ಪಂಜಾಬ್

 4) ಕೇರಳ

 ಉತ್ತರ: (1) ಒರಿಸ್ಸಾ

•  ನಿಯಮಗಿರಿಯು ಒಡಿಶಾದ ಕಲಹಂಡಿ ಮತ್ತು ರಾಯಗಡ ಜಿಲ್ಲೆಗಳಲ್ಲಿ ನೆಲೆಗೊಂಡಿರುವ ಒಂದು ಬೆಟ್ಟ 45 ಶ್ರೇಣಿಯಾಗಿದೆ.

 • ಈ ಬೆಟ್ಟಗಳು ಡೋಂಗ್ರಿಯಾ ಕೊಂಡ್ ಸ್ಥಳೀಯ ಜನರಿಗೆ ನೆಲೆಯಾಗಿದೆ.

____________________________________________

45. ಪಚಮರಿ ಜೀವಗೋಳ ಮೀಸಲು ಯಾವ ರಾಜ್ಯ ದಲ್ಲಿದೆ ?

 1) ಆಂಧ್ರಪ್ರದೇಶ

 2) ಅರುಣಾಚಲ ಪ್ರದೇಶ

 3) ಹಿಮಾಚಲ ಪ್ರದೇಶ

 4) ಮಧ್ಯಪ್ರದೇಶ

 ಉತ್ತರ: (4) ಮಧ್ಯಪ್ರದೇಶ

 •  ಪಚಮರಿ: ಯುನೆಸ್ಕೋ ಇದನ್ನು 2009 ರಲ್ಲಿ ಜೀವಗೋಳ ಮೀಸಲು ಎಂದು ಗೊತ್ತುಪಡಿಸಿತು.

 • ಭಾರತದ ಮಧ್ಯಪ್ರದೇಶ ರಾಜ್ಯದ ಹೊಶಂಗಾಬಾದ್, ಬೆತುಲ್ ಮತ್ತು ಛಿಂದ್ವಾರಾ ಜಿಲ್ಲೆಗಳ ವ್ಯಾಪ್ತಿಯಲ್ಲಿದೆ.

 • ಇದು ಮೂರು ವನ್ಯಜೀವಿ ಸಂರಕ್ಷಣಾ ಘಟಕಗಳನ್ನು ಒಳಗೊಂಡಿದೆ: ಬೋರಿ ಅಭಯಾರಣ್ಯ, ಪಚಮರಿ ಅಭಯಾರಣ್ಯ & ಸಾತ್ಪುರ ರಾಷ್ಟ್ರೀಯ ಉದ್ಯಾನ

______________________________________________

46. ಯಾವ ಗಿರಿಧಾಮದ ಹೆಸರಿನ ಅರ್ಥ ‘ಸಿಡಿಲಿನ ಸ್ಥಳ’ ಎಂದಾಗಿದೆ ?

1) ಗ್ಯಾಂಗ್ಟಕ

2) ಶಿಲ್ಲಾಂಗ್

3) ಒಟ್ಟಾಕಮಂಡ್

4) ಡಾರ್ಜಿಲಿಂಗ್

 ಉತ್ತರ: (4)ಡಾರ್ಜಿಲಿಂಗ್

 • ಡಾರ್ಜಿಲಿಂಗ್ : ಡಾರ್ಜಿಲಿಂಗ್ ಎಂಬ ಹೆಸರು ಟಿಬೆಟಿಯನ್ ಪದ ‘ದೋರ್ಜೆ’ಯಿಂದ ಬಂದಿದೆ. ಇದರರ್ಥ ಹಿಂದೂ ದೇವತೆ ಇಂದ್ರನ ಗುಡುಗು, ರಾಜದಂಡ ಮತ್ತು ಲಿಂಗ್. ಸ್ಥಳ ಅಥವಾ ಭೂಮಿ. ಆದ್ದರಿಂದ ಇದರ ಅರ್ಥ ‘ಸಿಡಿಲಿನ ಸ್ಥಳ’,

 • ‘ಮಹಾಭಾರತ ಶ್ರೇಣಿ ಅಥವಾ ಕೆಳ ಹಿಮಾಲಯದಲ್ಲಿ ನೆಲೆಗೊಂಡಿರುವ ಡಾರ್ಜಿಲಿಂಗ್ ಪಶ್ಚಿಮ ಬಂಗಾಳದಲ್ಲಿದೆ.

 • GI tag (Geographical Indication) : ಕೈಗಾರಿಕಾ ಆಸ್ತಿಯ ರಕ್ಷಣೆಗಾಗಿ ಪ್ಯಾರಿಸ್ ಕನ್ನನ್ನನ್ ಅಡಿಯಲ್ಲಿ ಬೌದ್ಧಿಕ ಆಸ್ತಿ ಹಕ್ಕುಗಳ (IPR’ Intellectual Property Rights) ಭಾಗವಾಗಿ ಭೌಗೋಳಿಕ ಸೂಚನೆಗಳನ್ನು ಒಳಗೊಂಡಿದೆ.

 • ಅಂತರಾಷ್ಟ್ರೀಯ ಮಟ್ಟದಲ್ಲಿ, G1ಬೌದ್ಧಿಕ ಆಸ್ತಿ ಹಕ್ಕುಗಳ ವ್ಯಾಪಾರ ಸಂಬಂಧಿತ ಅಂಶಗಳ ಮೇಲಿನ (TRIPS – Trade Related Intellectual Property Rights)  ವಿಶ್ವ ವ್ಯಾಪಾರ ಸಂಸ್ಥೆಯ ಒಪ್ಪಂದದಿಂದ ನಿಯಂತ್ರಿಸಲ್ಪಡುತ್ತದೆ.

 • ಭಾರತದಲ್ಲಿ ಭೌಗೋಳಿಕ ಸೂಚನೆಗಳ ನೊಂದಣಿಯನ್ನು ಸರಕುಗಳ ಭೌಗೋಳಿಕ ಸೂಚನೆಗಳು (ನೋಂದಣಿ & ರಕ್ಷಣೆ) ಕಾಯ್ದೆ, 1999ರ ಮೂಲಕ ನಿರ್ವಹಿಸಲಾಗುತ್ತದೆ. ಇದು 2003 ರಿಂದ ಜಾರಿಗೆ ಬಂದಿದೆ.

 •  2004-05ರಲ್ಲಿ ಭಾರತಲ್ಲಿ 61 ಟ್ಯಾಗ್ ಪಡೆದ ಮೊದಲ ಉತ್ಪನ್ನವೆಂದರೆ “ಡಾರ್ಜಿಲಿಂಗ್

 • ವಿಶೇಷತೆ : 2022 ರಂತೆ ಕರ್ನಾಟಕವು ಅತಿ ಹೆಚ್ಚು GI ಟ್ಯಾಗ್ ಪಡೆದ ರಾಜ್ಯವಾಗಿದೆ. ಒಟ್ಟು 42 ಉತ್ಪನ್ನಗಳಿಗೆ ಪಡೆದಿದೆ.

____________________________________________

47. ಕಾಶ್ಮೀರದಿಂದ ಕನ್ಯಾಕುಮಾರಿಯವರೆಗೆ ಭಾರತದ ಅಂದಾಜು ಉತ್ತರ ದಕ್ಷಿಣದ ದೂರ ಎಷ್ಟು?

 1) 2400 ಕಿ.ಮೀ

 2) 2900 ಕಿ.ಮೀ

 3) 3200 ಕಿ.ಮೀ

 4) 3600 ಕಿ.ಮೀ

 ಉತ್ತರ: (3) 3200 ಕಿ.ಮೀ

•  ಭಾರತದ ಪ್ರಧಾನ ಭೂಭಾಗವು 894′ ಉತ್ತರ ದಿಂದ 376′ ಉತ್ತರ ಅಕ್ಷಾಂಶದವರೆಗೆ ಹಾಗೂ 687′ ಪೂರ್ವದಿಂದ 9725′ ಪೂರ್ವದಿಂದ ರೇಖಾಂಶಗಳ ಮಧ್ಯೆ ವಿಸ್ತಾರಗೊಂಡಿದೆ.

 • ಭಾರತವು ಸುಮಾರು 30 ಡಿಗ್ರಿ ಅಕ್ಷಾಂಶ ಮತ್ತು ರೇಖಾಂಶಗಳಲ್ಲಿ ವಿಸ್ತಾರಗೊಂಡಿದೆ.

 • ದೇಶವು ಉತ್ತರದಿಂದ ದಕ್ಷಿಣದವರೆಗೆ 3214 ಕಿ.ಮೀ ಉದ್ದವಾಗಿಯೂ ಮತ್ತು ಪಶ್ಚಿಮದಿಂದ ಪೂರ್ವದವರೆಗೆ 2933 ಕಿ.ಮೀ ಅಗಲವಾಗಿದೆ.

______________________________________________

48. ಹವಳದ ಬಂಡೆಗಳನ್ನು ಸಂರಕ್ಷಿಸಲು ಭಾರತ ಸರ್ಕಾರ ಕೆಳಗಿನವುಗಳಲ್ಲಿ ಒಂದನ್ನು ಮೆರೈನ್ ಪಾರ್ಕ್ ಎಂದು ಘೋಷಿಸಿತು:

 1) ಅಂಡಮಾನ್ ದ್ವೀಪಗಳು

 2) ಕಚ್ ಕೊಲ್ಲಿ

 3) ಲಕ್ಷದ್ವೀಪಗಳು

 4) ಮನ್ನಾರ್ ಕೊಲ್ಲಿ

 ಉತ್ತರ: (2)ಕಚ್ ಕೊಲ್ಲಿ

 • 1982ರಲ್ಲಿ ಭಾರತ ಸರ್ಕಾರವು ಹವಳದಿಬ್ಬಗಳ ಸಂರಕ್ಷಣೆಗಾಗಿ ಗಲ್ಫ್ ಆಫ್ ಕಚ್‌ ನಲ್ಲಿ 110 ಚ.ಕಿ.ಮೀ ಕೋರ್ ಪ್ರದೇಶವನ್ನು ಮರೈನ್ ರಾಷ್ಟ್ರೀಯ ಉದ್ಯಾನವನ ಎಂದು ಘೋಷಿಸಿತು.

 • ಇದು ಗುಜರಾತ್‌ನ ಜಾಮ್‌ನಗರ ಜಿಲ್ಲೆಯಲ್ಲಿ ಕಚ್ ಕೊಲ್ಲಿಯ ದಕ್ಷಿಣ ತೀರದಲ್ಲಿದೆ.

 • ಮರೈನ್ ರಾಷ್ಟ್ರೀಯ ಉದ್ಯಾನವನದ ಜಾಮ್‌ನಗರ ಕರಾವಳಿಯಲ್ಲಿ 42 ದ್ವೀಪಗಳಿವೆ.

_____________________________________________

49. ಭಾರತೀಯ ಸಮೀಕ್ಷೆ ಇಲಾಖೆಯ ಪ್ರಧಾನ ಕಚೇರಿ ಎಲ್ಲಿದೆ ?

 1) ಜೈಪುರ

 2) ಡೆಹ್ರಾಡೂನ್

 3) ಹೈದರಾಬಾದ

 4) ನವದೆಹಲಿ

  ಉತ್ತರ:(2) ಡೆಹ್ರಾಡೂನ್

 • ಭಾರತೀಯ ಸಮೀಕ್ಷೆಯು ಉತ್ತರಾಖಂಡದ ಡೆಹ್ರಾಡೂನ್ನಲ್ಲಿ ಪ್ರಧಾನ ಕಛೇರಿಯನ್ನುಹೊಂದಿದೆ.

 • ಇದು ಭಾರತದ ಕೇಂದ್ರ ಇಂಜಿನೀಯರಿಂಗ್ ಏಜೆನ್ಸಿ ಮ್ಯಾಪಿಂಗ್ ಮತ್ತು ಸಮೀಕ್ಷೆಯ ಉಸ್ತುವಾರಿ ಹೊಂದಿದೆ.

 • ಬ್ರಿಟಿಷ್ ಈಸ್ಟ್ ಇಂಡಿಯಾ ಕಂಪನಿಯ ಪ್ರದೇಶಗಳನ್ನು ಕ್ರೋಢೀಕರಿಸಿ ಸಹಾಯ ಮಾಡಲು 1767ರಲ್ಲಿ ಸ್ಥಾಪಿಸಲಾಯಿತು.

 • ಇದು ಭಾರತ ಸರ್ಕಾರದ ಅತ್ಯಂತ ಹಳೆಯ ಎಂಜಿನೀಯರಿಂಗ್ ವಿಭಾಗಗಳಲ್ಲಿ ಒಂದಾಗಿದೆ.

_____________________________________________

50. ಭಾರತೀಯ ಪರ್ಯಾಯ ದ್ವೀಪವು ಯಾವ ಭೂಮಿಯ ಭಾಗವಾಗಿತ್ತು?

1) ಗೊಂಡ್ವಾನ

2) ಯುರೇಷಿಯಾ

3) ಅಮೇರಿಕ

4) ಸೈಬೀರಿಯಾ

 ಉತ್ತರ: (1)ಗೊಂಡ್ವಾನ

 • ಪ್ಯಾಲಿಯೊಜೋಯಿಕ್ ಅವಧಿಯ ಕೊನೆಯಲ್ಲಿ (542-250 ಮಿಲಿಯನ್ ವರ್ಷಗಳ ಹಿಂದೆ) ಪ್ಯಾಲಿಯೊಜೋಯಿಕ್ ಮತ್ತು ಮೆಸೊಜೋಯಿಕ್ ಯುಗಗಳಲ್ಲಿ ಅಸ್ತಿತ್ವದಲ್ಲಿದ್ದ ಸೂಪರ್ ಕಾಂಟಿನೆಂಟ್ ಪಾಂಜಿಯಾ (Pangaea) ರೂಪುಗೊಂಡಿತು.

 • ಇದು ಮೊದಲು ಉತ್ತರ ಲಾರೇಷಿಯಾ (ಅಂಗರಾಲ್ಯಾಂಡ್) ಮತ್ತು ದಕ್ಷಿಣ ಗೊಂಡ್ವಾನಾ ಲ್ಯಾಂಡ್ ಆಗಿ ಒಡೆಯಿತು. ಆಗ ಗೊಂಡ್ವಾನಾ ಪಾಂಜಿಯಾ ಮಹಾಖಂಡದ ಅರ್ಧದಷ್ಟು ಭಾಗವಾಗಿತ್ತು. ಹಾಗೆ. ಉತ್ತರದ ಸೂಪರ್ ಕಾಂಟಿನೆಂಟ್ ಲಾರೇಷಿಯಾ ಎಂದು ಕರೆಯಲ್ಪಡುತ್ತದೆ.

 • ಲಾರೇಸಿಯಾ ಮತ್ತು ಗೊಂಡ್ವಾನಾ ಆನಂತರ ಬೇರೆಬೇರೆಯಾದವು.

 • ಗೊಂಡ್ವಾನಾದಲ್ಲಿ ಇಂದಿನ ದಕ್ಷಿಣ ಅಮೇರಿಕಾ, ಆಫ್ರಿಕಾ, ಅರೇಬಿಯಾ, ಮಡಗಾಸ್ಕರ್, ಭಾರತ, ಆಸ್ಟ್ರೇಲಿಯಾ & ಅಂಟಾರ್ಟಿಕಾ ಸೇರಿವೆ .

______________________________________________

51. ಈ ಕೆಳಗಿನವುಗಳಲ್ಲಿ ಯಾವುದು ಭಾರತದಲ್ಲಿನ ಜ್ವಾಲಾಮುಖಿ ಸ್ಫೋಟಗಳಿಂದ ರೂಪು ಗೊಂಡಿದೆ?

 1) ದಖನ್ ಪ್ರಸ್ಥಭೂಮಿ

 2) ಲಕ್ಷದ್ವೀಪ ದ್ವೀಪಗಳು

 3) ಪಶ್ಚಿಮಘಟ್ಟಗಳು

 4) ಹಿಮಾಲಯ

 ಉತ್ತರ: (1) ದಖನ್ ಪ್ರಸ್ಥಭೂಮಿ

 • ದಖ್ಖನ್ ಪ್ರಸ್ಥಭೂಮಿ: ತ್ರಿಕೋನಾಕಾರದ ಪ್ರಸ್ಥಭೂಮಿಯು ತಾಪಿ ಅಥವಾ ತಪತಿ ನದಿಯ ದಕ್ಷಿಣದಲ್ಲಿದೆ.

 • ದಖ್ಖನ್ ಟ್ರ್ಯಾಪ್ ಪ್ರದೇಶವು ಪರ್ಯಾಯ ಪ್ರಸ್ಥಭೂಮಿಯ ಹೃದಯ ಭಾಗದಲ್ಲಿರುವ ಸ್ಪಟಿಕದಂತಿರುವ ಭೂಪ್ರದೇಶ. ಇದು ಪುರಾತನವಾದ ಮತ್ತು ಕಠಿಣವಾದ ಶಿಲೆಗಳಿಂದ ಕೂಡಿದೆ.

 • ಉಕ್ಕಿ ಹರಿದ ಲಾವಾರಸದಿಂದ ಈ ಪ್ರಸ್ಥಭೂಮಿ ನಿರ್ಮಿತವಾಗಿದೆ.

 • ಬಿರುಕುಗಳಿಂದ ಹೊರ ಹೊಮ್ಮಿದ ಲಾವಾರಸದಿಂದ ನಿರ್ಮಿತವಾಗಿರಬಹುದೆಂದು ನಂಬಲಾಗಿದೆ ಮತ್ತು ಇದನ್ನು ಗುರಾಣಿಯಾಕಾರದ ಲಾವಾ ಭೂಮಿ ಎಂದು ಪರಿಗಣಿಸಲಾಗಿದೆ.

 • ಇದು ಮಹಾರಾಷ್ಟ್ರ, ಕರ್ನಾಟಕ, ಆಂಧ್ರಪ್ರದೇಶ, ಛತ್ತೀಸ್‌ಗಡ ರಾಜ್ಯಗಳು & ಒಡಿಸ್ಸಾ-ತಮಿಳುನಾಡು ರಾಜ್ಯಗಳ ಕೆಲಭಾಗಗಳಲ್ಲಿ ವ್ಯಾಪಿಸಿದೆ.

_____________________________________________

ಮುಂದುವರೆಯುವುದು……..